Gadoiy. Devon / Гадоий. Девон

Цитата:
Gadoiy Oʻzbek mumtoz sheʼriyatining taniqli namoyandasi, 1403-04 yillarda tugʻilganligi taxmin qilinadi. Temuriylar davri adabiyoti vakillaridan biri.
Shoir merosidan birgina devon saqlangan boʻlib, umumiy hajmi 2974 misradir. Qoʻlyozma Parij Milliy kutubxonasi (inv.981)da saqlanadi. Devon taxminan 15 asrning oxiri — 16 asrning boshlarida koʻchirilgan (Lutfiy devoni bilan bir muqovada), uning tarkibida 230 gʻazal, bir tugallanmagan qasida, mustahzod va 5 qitʼa bor.

Nashr qilingan asarlari

Gadoiy. Sheʼrlar (nashrga tayyorl. S.Gʻanieva). — T.: 1965;
Gadoiy. Devon (nashrga tayyorl. E.Ahmadxoʻjaev). — T.: 1973;

Ilmiy adabiyot

E. Ahmadxoʻjaev. Gadoiy hayoti va ijodi. —T.: 1978;
E.Ahmadxoʻjaev. Gadoiy devonining nodir nusxasi haqida. «Adabiy meros» jurn. −1972, № 2;
Gʻanieva S. Shoir Gadoiy. «Oʻzbekiston madaniyati» gaz. 1962, 1 sentyabr.
E. Rustamov. Uzbekskaya poeziya v pervoy polovine 15 veka. — M.:1963.

* * *

Buti siyminbarim, bizni unutma,
Dudoqi shakkarim, bizni unutma.

Falakka еtti ohimning tutuni,
Ayo mahpaykarim, bizni unutma.

Chu toroj aylading jonu ko'ngulni,
Ko'zi g'oratgarim, bizni unutma.

Sеvar jonim, bеgim, xonim, umidim,
Azizim, dilbarim, bizni unutma.

Gado qonin jafo birla chu to'ktung,
Qaroqi kofarim, bizni unutma.

Поделитесь записью в соцсетях с помощью кнопок: